منتدى الفرح المسيحى - بصلي أكون زي الأرض الجيدة

https://upload.chjoy.com/uploads/173394744247311.jpg

سؤال بفكر فيه :-
ليه بنروح الكنيسة ومؤتمرات وبنسمع ترانيم ووعظات كتير
ومش بنتغير تغيير حقيقي؟؟
لقيت الإجابة في المثل اللي الرب يسوع
قاله عن الزارع اللي خرج يزرع والبذور اللي معاه كانت بتقع على أنواع أراضي مختلفة..
ولقيت إني أنا وغيري كتير بنكون زي الأرض الحجرية،
بنسمع الكلمة لكن قلبنا قاسي مش بيقبلها..
وأوقات بأكون زي الأرض الشوكية،
بعد ما بسمع الكلمة بانشغل بأمور الحياة الكتيرة
فبتتخنق كلمة ربنا جوايّ ..
وممكن أكون زي الأرض السطحية، مافيش عُمق،
فلما أقابل تحديات الحياة بتتقtل الكلمة..
لكن بصلي أكون زي الأرض الجيدة
، أسمع كلمة ربنا فتثمر جوايّ ويحصل تغيير ..
وَسَقَطَ آخَرُ فِي الأَرْضِ الصَّالِحَةِ، فَلَمَّا نَبَتَ صَنَعَ ثَمَرًا مِئَةَ ضِعْفٍ»
( لوقا ٨ : ٨)