منتدى الفرح المسيحى - اتشعلق فى الدرجة الفوقانية

https://upload.chjoy.com/uploads/173394213321641.jpg

معلومة مهم تعرفها وتعيش بيها

المسيحية درجة سلم فوق المنطق البشرى
(مش ضد المنطق لكن فوق المنطق)

✅️مش غلط انك تكون فى الدرجة اللى تحت
بس عارف انك المفروض تكون فى الدرجة اللى فوق
بس مش قادر وعشمان فى نعمة ربنا
انها ترفعك الدرجة دى من خلال جهادك الروحى

لكن الغلط انك تكون مقتنع انك عادى تكون فى الدرجة التحتانية
وتقول اصل احنا بشر❎️..... كده انت بتنكر رصيد النعمة اللى اخدناها فى العهد الجديد والخليقة الجديدة التى تمتعنا بها...... ٢كو ٥ : ١٧

مثلا.....الدرجة التحتانية انك تتعامل بالمثل
...الدرجة الفوقانية انك لا تجازى عن شر بشر..رو١٢ : ١٧...
....وهكذا

اتشعلق فى الدرجة الفوقانية
وحاول واطلب عمل النعمة ولا تسلم بالامر الواقع

اديك شايف اللى خاف وانكر وقف وجاهر بالايمان هو باقى الرسل ولما هددوهم ماخافوش ولما ضربوهم👇👇👇

ذَهَبُوا فَرِحِينَ مِنْ أَمَامِ الْمَجْمَعِ، لأَنَّهُمْ حُسِبُوا مُسْتَأْهِلِينَ أَنْ يُهَانُوا مِنْ أَجْلِ اسْمِهِ. (أع ٥ : ٤١)

الفكرة دى ينطبق عليها الاية

لِيَقُلِ الضَّعِيفُ: "بَطَلٌ أَنَا![[بنعمة الله]]" (يؤ ٣ : ١٠)