منتدى الفرح المسيحى - غالى فى عين الله

https://upload.chjoy.com/uploads/173334631307321.jpg

الفلسين اللي من أعوازك، ما أغلاهم في عين الله ❤️ ..

لما صحيت مخصوص بدري عن ميعادك،
وقفت تقوله يارب اشكرك ماسبتنيش أبدًا..

لما قولت كلمة حلوة لحد وأنت أكتر حد محتاج تسمعها ..

لما صونت نفسك قدام الخطية،
وبعينيك للسما بصتله تقوله عشان خاطرك ..

لما طبطبت على حد وأنت اللي محتاج حضن ..

لما خرج منك دمعتين بصدق وسط يومك،
تقوله بيهم سامحني مش راجع تاني ..

لما قررت تقسم وجبتك مع حد غلبان في الشارع عشان ماينامش جعان ..

لما تتصل بأخوك في عز زعلك وتقوله خلينا نرجع حبايب ..

لما قررتِ تسمعِ جارتك اللي صوتها دايمًا عالي مع أولادها
، وأنت فوق كتفك حمل جبال ..

صديقي! ♥️
الله لا ينتظر منك الدراهم الكثيرة،
التي تملأ خزانتك، بقدر ما يشتهي الفتات التي تقدمها من أعوازك
.. من أعواز قلبك .. 😊