منتدى الفرح المسيحى - يمكن تكون أنت🫵 المعجزة الصغيرة في حياة شخص حواليك

https://upload.chjoy.com/uploads/173291936678761.jpg

"الغريب في قصة المفلوج مش بس المعجزة الكبيرة
اللي حصلت قدام الناس لما المسيح شفى جسده
، لكن المعجزة اللي حصلت في الكواليس قبلها.😍

أصحاب مخلصين، شافوا الألم في عيون صاحبهم
وما استسلموش، ما سابوش اليأس ياخد مكان جواهم
شالوه بإيمان ومحبة، وواجهوا كل التحديات
، حتى إنهم كسروا السقف بس علشان يوصلوه للمسيح.

المعجزة الحقيقية كانت في المحبة اللي زرعوها فيه..
. ناس حسسته إنه مش لوحده،
إنه في ضعفه يقدر يسند عليهم،
وإنه في الأوقات اللي فقد فيها القوة، عنده حد يآمن بيه ويشيله.🤍

أصحابه كانوا معجزة صغيرة، زرعت جوه قلبه أمل كبير...

يمكن تكون أنت🫵 المعجزة الصغيرة في حياة شخص حواليك،
معجزة بتدي دعم، بتبني ثقة، وبتفتح أبواب لأحلام وشفاء وأمل.

دورك ممكن يكون أعظم مما تتخيل."😉