منتدى الفرح المسيحى - مين غيرك نترجاه مين الراحة معاه

https://upload.chjoy.com/uploads/173271127020031.jpg

مين غيرك نترجاه
مين الراحة معاه
غيرك يا رئيس الحياة!
فيك واثقين..
ما هنغرقشي لأننا فيك ماسكين
والغرقان يناديك يلقى نجاة
والتعبان.. يلقى دواه
بيك حاسين بأمان
وسابتنا الأحزان
عشان انت ما بتسيبناش

مين غيرك نلجأ لِيه!
نرمي حمولنا عليه
مين بإيديه شال عنَّا كتير
آه مالناش غيرك ما انت حنيِّن ما بتقساش
ما بتنساش الباصِّين بدموع
ليك صارخين: "يا يسوع"
يا شايلنا فـ عينيك
علشان عيننا عليك..
وقت الخوف ما خُفناش

ليك حكمة وليك ترتيب
إنت يارب عجيب
مش بتسيب حقنا ولا بتغيب
يهجم ديب..
بعصايتك تبعده عشان انت قدير
هم كبير.. لِيه تفسير أو كان شيء من غير تفسير
مش بس تحليه
لكن بتخليه..
بقى للي يحبك خير