منتدى الفرح المسيحى - مين غيرك طبيب شافي بيخرج حلو م الجافى

https://upload.chjoy.com/uploads/173271127020031.jpg

مين غيرك طبيب شافي
بيخرج حلو م الجافى
ف قربك ببقى متعافى
ومش خايف ولا قلقان
بلاقي انا فيك صديق عمرى
مسلم له انا امرى
قابلنى بحلوى وبمرى
مابيسبنيش ابات زعلان

ومين غيرك هيشفينى
وفوق ميه يمشينى
وسط النار يعدينى
يطمنى ويدي سلام
تعوض لى سنين نوحى
تضمد لى جروح روحى
تقول لهموم بعيد روحى
وجودك مدى قلبى امان

ومين غيرك مطمنى
ومستحمل كتير منى
ومن ضعفى مقومنى
وبتسند ع كتافه
ومين شايل هموم عنى
ويفضل برضه مستنى
ويجى كمان وبيعنى
مفيش شبهه ف اوصافه