منتدى الفرح المسيحى - على كل احتياج اعلن جود الرب

https://upload.chjoy.com/uploads/173153332670381.jpg

قعدت ابحث عن كلمة جود ومعانيها فى المعجم
لقيت إنها جاية بمعنى "كرم /...بذل/
وعطاء /...سخاء/المطر الغزير/عطاء بدون سؤال من الناس...
وجه جوايّ أفكار بتقول أنه كام مرة قعدت( اتشحتف)
في صلوات على أمور تبان إنها مهمة بالنسبة لي
والسما ساكتة مش بترد .....
وكأن ربنا بيدى بالشح بالقليل مع أنه هو طبيعته العطاء ..
مش بس كده ده بيتبسط لما يفتح إيده ويشبع كل حي رضا .....
وجت جوايّ الكلمات دي في 👇
‫اَلْمَزَامِيرُ ٣١:‏١
" مَا أَعْظَمَ جُودَكَ ٱلَّذِي ذَخَرْتَهُ لِخَائِفِيكَ
، وَفَعَلْتَهُ لِلْمُتَّكِلِينَ عَلَيْكَ تُجَاهَ بَنِي ٱلْبَشَرِ! "
صدق أن فيه جود مستخبي ربنا عايز يديه ومايمنعهوش....
قول مع داود🗣️
‫اَلْمَزَامِيرُ ٢٧:‏١٣
" لَوْلَا أَنَّنِي آمَنْتُ بِأَنْ أَرَى جُودَ ٱلرَّبِّ فِي أَرْضِ ٱلْأَحْيَاء"
على كل احتياج اعلن جود الرب .
..على كل مطر متأخر اعلن إكرام سيدك🙏