منتدى الفرح المسيحى - تونية الشهيد سليمان سليم من طنطا شهيد أحد الشعانين

https://upload.chjoy.com/uploads/173134917681661.jpg

ياريت الكل يركز لأنى هاتكلم عن شاب عظيم جدا جدا ..
القصه دى شدتنى جداا جدااا واتمنى ان كل الناس تنشرها وياخدوا بركة القديس ..
دي تونية الشهيد سليمان سليم من طنطا شهيد أحد الشعانين بكنيسة مارجرجس بطنطا . من التواني القليلة اللي ربنا سمح إنها تطلع من المستشفى و تتسلم لأحد الأباء الكهنة. بعد أكتر من إسبوع من الإستشهاد لقوا التونية بتنزل زيت أبونا قال عشان نتأكد أكتر إغسلوها(غسلوها تلت مرات) التونية فضلت مزيتة ريحتها زيت جميله جداً و مش بتروح قلبت ريحة البيت و بعدين أهله أخدوها.
سليمان كان شهيد عظيم جداً شهد للمسيح بحياة كلها روحانية و خدمة كان يحب يتعب في الخدمة كان يتناول كل يوم و يحضر كل القداسات مفيش حد في سنه حافظ الألحان زيه كان أستاذ قبطي و يوناني على الرغم من سنه 22 سنة كان بيعلمهم لولاده في الخدمة عشان ميقروش قبطي معرب كان نادر نفسه للبتولية بس عشان هو وحيد أمه وأبوه قرر يكون راهب في كنيسته.
جربوا شفاعته ده خدوم جداً و شفاعته قوية