منتدى الفرح المسيحى - لو مجتش معاك بالزوق جبنى انت بالعافيه

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - لو مجتش معاك بالزوق جبنى انت بالعافيه (https://www.chjoy.com/vb/showthread.php?t=107688)

لو مجتش معاك بالزوق جبنى انت بالعافيه

لو مجتش معاك بالزوق
جبنى انت بالعافيه
++++++++++++++

فى مره واقفه بصلى
بس ديما مش زى عادتى
بصلى كلام كده مش من قلبى
كلام بقراه
وطلبه بطلبها وخلاص

جيت اختم الصلاه افتكرت كلمه قريتها
لو مجتش معاك بالزوق جبنى انت بالعافيه
قولتها وروحت نمت بعدها

وكل يوم اقول نفس الكلام مع نفس الصلاه
كنت عارفه ان ربنا مش سامعنى لانى طبعا مش بصلى من قلبى
بس كنت اقول اعمل اللى عليا وخلاص

بعدها اعدت فتره طويله مش بصلى
ولا بعمل اى حاجه كويسه
وكل ما اعمل حاجه غلط
الاقى ربنا يبعت اللى ينصحنى
او ماما على حاجه تعاقبنى
او بابا ساعات يوبخنى
كأن ربنا بيقرصنى من ودنى

ومع ذلك اعدت اعاند فيه وابعد اكتر واكتر
بشوف كلامه ورسايله ليا ومع ذلك مقربتش منه
حتى فى الامتحانات كان المفروض احتاجه
وصلت بيا لانى اشوف ان انا مش محتجاله

وعماله اعاند فيه وهو كأنه كل لحظه بيقولى انا معاكى

بعديها بفتره قبل ما تطلع النتيجه
قريت الجمله(لو مجتش معاك بالزوق جبنى انت بالعافيه ) وافتكرت اما كنت بقولها كده وخلاص
لما كنت بقولها وفاكره انه مش يامهنى
افتكرت كمان انه كان عن كل شر بيبعدنى

لقيتنى بصرخ وبقول سامحنى يارب
انا اسفه
نجحنى
اول سنه تيجى الامتحانات ومصليش
انا هسقط
اعدت اصلى يامه اوى
واقول شكلى هسقط يارب نجحنى
بس هو + رجعنى ليه من تانى
+ كمان فرحنى بنجاحى
+ عرفنى غلطى
+ عرفنى انه ديما سامعنى

يالا كلنا نقول

لو مجتش معاك بالزوق جبنى انت بالعافيه