|
باقدر يا غالي يا ربي يسوع
https://upload.chjoy.com/uploads/172890973110041.jpg باقدر يا غالي يا ربي يسوع وقوفك معايا في وادي الدموع باقدر وقوفك وسندة كفوفك ونورك في ليلي وضي الشموع باقدر يا غالي يا ربي يسوع دا كام مره شفتك إله ما تقدرشي تنكر في نفسك خصال لكن جوا قلبي خيانة وكان جوا فكري طموحي وآمال فضلت تداري وشري تواري مع اني في جهلي رفضتك كتير لانك حبيبي وحبك طبيبي ما قلتش لقلبي هاترجع كسير وجاني كلامك وجاب لي سلامك وجيت باعترف لك وباسكب دموع باقدر يا غالي يا ربي يسوع كتير كنت بإعند واكسر كلامك ما بافرقش عن سائر المخلوقات باحتم في رايي واضيع سلامك وآخرة إرادتي خساره وآهات باحوش لنفسي واكوم لنفسي ومش عارف اني باحوش نفايه ولما وصلت لاخري في يأسي صرخت يا ربي وقلت كفايه ما عدتش أسيبك هاتبت في إيدك ويبقى مكانك دا جوا الضلوع باقدر يا غالي يا ربي يسوع سنيني اللي فاتت مشيتها معايا بتقنعني إنك أماني الوحيد وبهجة خلاصك بتملا سمايا وبتقول لي إنك معايا أكيد بترحم غبائي شرودي وفراقي وترجع تفكرني إنك معايا بحبك تحاصر وإيدك تناصر وصوتك يقول انا ليك حمايه وجيت بانحني لك واقدر جميلك واقول لك حاوطني لاخر الربوع باقدر يا غالي يا ربي يسوع |
| الساعة الآن 04:48 PM |
Powered by vBulletin® Copyright ©2000 - 2025