منتدى الفرح المسيحى - هو فتح السماوات علشاني

https://upload.chjoy.com/uploads/172948600057151.jpg

بيجي عليّ اوقات كتير بحس فيها بتقل الأيام
، وقد إيه كل يوم بيكون فيه تحدى جديد
، وضغوط من كل ناحية، وقتها مش بيكون عندي حل
غير إنى أرفع عيني للسماء
وأقوله يارب أنت شايف وسامع وحاسس
حتى اللي مش قادرة أقوله بكلمات

امبارح كنت بقرا فى سفر حزقيال ووقفت قدام الآية دي:
أَنَّ السَّمَاوَاتِ انْفَتَحَتْ (حزقيال ١: ١)
شكرته لأني واثقة إنه يسوع فتح السماء علشاني،
مصدقة وعندي إيمان أنه حتى وقت الضيق
هو مش ساكت وموجود ليّ وبيعمل لأجلي
، هو فتح السماوات علشاني 🙏