منتدى الفرح المسيحى - زوادة اليوم: ما بقا نخاف ! 2024/10/8

زوادة اليوم:
ما بقا نخاف !
https://upload.chjoy.com/uploads/172741770057881.jpg
"إن سرتُ في وادي ظلال الموت، فلا أخاف شرًا، لأنك أنت معي"

(مز ٢٣).

شو بتِشبَه هالإيّام يا ربّ "وادي ظلال الموت"، كلّنا خايفين
، سامِح قلّة ايماننا و خوفنا البشَري... منعرِف
و منوثَق إنَّك معنا، و كلّ ما نصلِّي منقول لِتَكُن مشيئتَك
بس أوقات كتير خوفنا عم يغلِبنا...

اليوم وحدِتنا بالصّلا عا نيِّة سلام القلوب،
عطينا يا ربّ ما بقا نخاف كلّ ما عتَّمِت الدني،
ما بقا نخاف كل ما وقَع شي عالأرض او تسكَّر باب،
يا ربّ نحنا ما عم ننام و أقلّ صوت عم ينقِّزنا..
. اعطينا سلامك لو خطِيِّتنا خلِّتنا نكون مش مستحقّين...

إرحمنا يا ربّ