منتدى الفرح المسيحى - مش كل الغالى غالى 😉

https://upload.chjoy.com/uploads/172759572775261.jpg

من يومين روحت اجيب طماطم لاقيت واحد كاتب ٣٠ وبعده واحد كاتب ٢٠ اللى لفت انتباهى هنا ان اللى كاتب ٢٠، الطماطم عنده حلوه وكبيره بس انا قولت فى نفسى اكيد فى حاجه غلط ماهو مستحيل يخسر ومستحيل واحد جنبه يكون كاتب ٣٠ وعادى كدا ..
اللى حيرنى اكتر ان اللى كاتب ٣٠ بيبيع اكتر من اللى كاتب ٢٠
طبعا انا روحت على طول على ابو ٣٠ منا مستحيل اطلع افهم اكتر من الناس كلها اللى بتشترى من عنده ...
بس انا عملت حركه جديده شويه
انا كنت عاوز ٣ كيلو
جبت ٢ كيلو من ابو ٣٠ وروحت للراجل التانى جبت منه كيلو
رجعت البيت لاقيت الكيلو اللى ب٢٠ احسن وانضف من ابو ٣٠ ...
الخلاصه اللى عاوز اقولها هنا ..
ان مش كل واحد عليه زحمه وسعره غالى يبقى احسن حد بالعكس الشخص بعقله وكلامه وحكمته
عمرها ماكانت بهدومه ولا بالموبايل والعربيه والفلوس اللى معاه ولا حتى مكانته الاجتماعيه
انت ممكن تلاقى واحد بسيط جدا لكن كل كلمها بيقولها فيها حكمه وافاده للكل ..
مش كل الغالى غالى 😉
يوحنَّا 16: 33
قَدْ كَلَّمْتُكُمْ بِهَذَا لِيَكُونَ لَكُمْ فِيَّ سَلَامٌ. فِي ٱلْعَالَمِ سَيَكُونُ لَكُمْ ضِيقٌ، وَلَكِنْ ثِقُوا: أَنَا قَدْ غَلَبْتُ ٱلْعَالَمَ.