منتدى الفرح المسيحى - كان حليم رغم الشعب

https://upload.chjoy.com/uploads/172730105662241.jpg

جربت قبل كده إحساس أنك تعمل خير ومعروف مع حد ويتكلم عليك فى ضهرك ؟😞
أو أنك تقدم محبة بكل قلبك وتلاقى المقابل غدر ونميمة فى حقك ؟!❗
إحساس صعب ومؤلم بجد، عديت بموقف الأسبوع ده فيه المشاعر دي
وكنت متضايقة أوى وبشتكي لربنا من اللي حصل ، وبطلب منه ياخدلى حقي
و اتفاجئت لما ربنا فكرني بموقف حصل مع موسي موجود في سفر العدد ١٢ : ١ 📖
لما أخواته مريم وهارون اتكلموا عليه في ضهره واتنمروا على مراته الكوشيه
وقالوا كلام صعب جدا فى حقه.
الغريب إن موسي كان ممكن يرد ليهم الإساءة وياخد حقه لكن مكتوب :
"وَأَمَّا الرَّجُلُ مُوسَى فَكَانَ حَلِيمًا جِدًّا أَكْثَرَ مِنْ جَمِيعِ النَّاسِ..."
مش بس كده ده كمان وقف وصلي علشان مريم إن الرب يشفيها من ضربة البرص..😇
يارب علمني أكون متواضع وعندي طول أناة في كل مواقف حياتي.🤍