منتدى الفرح المسيحى - هى دى قيامتنا الحقيقية

https://upload.chjoy.com/uploads/172725636442251.jpg

"وَأَقَامَنَا مَعَهُ، وَأَجْلَسَنَا مَعَهُ فِي السَّمَاوِيَّاتِ فِي الْمَسِيحِ يَسُوعَ،
" (أف 2: 6)
الحقيقة أنا مفهمتش الآيه دى
إلا بعد ما شفت أيقونة القيامة البيزنطية
اللى بتصور قيامة آدم و كل بنيه بنزول المسيح الى الجحيم
و هى دى قيامتنا الحقيقية
صورة المسيح القائم من الموت بدون آدم ( الإنسان )
ملهاش أى معنى ولا قيمة ولا مغزى !!
ايه فايدة قيامة المسيح إذا مكانش الانسان فيه و معاه
لما المسيح يقوم و أنا مش معاه أنا كدا استفدت إيه ؟!!
و ليه يحتاج المسيح الحى الى قيامة أصلاً ؟
مش قيامته دى كانت لينا أحنا المائتين !
إذا مكنش فيه نزول للجحيم (الموت-الفساد)
قيامة المسيح مكنش ليها لازمة الحقيقة
.. فالحقيقة القيامة كانت إعلان لكل الناس إن المسيح
نزل لجحيم الإنسان و غلبه و كسر متاريسه و ابوابه الحديدية
المجد و الكرامة للمسيح الذى ينزل الى جحيم نفوسنا
كل يوم يخلصها و ينجيها

-( إنهض إذن لنرحل من هنا.
قبلاً نفيتك من الفردوس الأرضى،
و الأن أعيدك لا فردوس كهذا بل الى عرش فى السماء
آنذاك منعت عنك عود الحياة، و لكنى الأن
، أتحد بك تماماً أنا الحياة ذاتها
قبلاً أمرت الشاروبيم أن تحرسك كعبد،
و الان أجعل الشاروبيم تسجد لك كأبن الله
لقد أخفيت نفسك من أمام الله لانك كنت عرياناً،
و الأن أنت تُخفي فى داخلك الله نفسه عرياناً
حينذاك كنت تلبس الاقمصة الجلدية
و الان يلبس الله نفسه جسدك المخضب بالدماء
لذلك أنهض لنرحل من هنا، من الموت الى الحياة،
من الفساد الى عدم الفساد، من الظلمة الى النور الابدى )*
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
*