منتدى الفرح المسيحى - تعالوا نصلي إنه ربنا يُنِيرُ عُيُونَ قُلُوبِكُمْ

https://upload.chjoy.com/uploads/172701550494041.jpg

تعالوا النهارده نصلي 🤲
لكل واحد حاسس إنه بيتغيَّر من جواه، لكن التغيير ده مش مفهوم…
لكل واحد بيحاول يبقى الشخص اللي هو عايز يكونه،
لكن دايمًا بيتشد لورا…
لكل واحد عنده صراع بين اللي نفسه فيه وبين اللي لازم يعمله…
لكل واحد بيدوَّر على رسالته في الحياة
، ومش عارف يسمع صوت ربنا فيها…
لكل واحد جواه أفكار متلخبطة، ونفسه يلاقي سلامه الداخلي…
لكل واحد عايز يبقى نور في مكانه، بس مش لاقي النور جواه…

تعالوا نصلي إنه ربنا "يُنِيرُ عُيُونَ قُلُوبِكُمْ
لِتَعْلَمُوا مَا هُوَ رَجَاءُ دَعْوَتِهِ." (أف ١: ١٨) ❤️🙏🏻