منتدى الفرح المسيحى - خلينا نشوفك طول الطريق وغرق قلوبنا بفرحك

https://upload.chjoy.com/uploads/17266559885991.jpg

في الإنجيل، بنشوف المجوس
جمّ من المشرق لزيارة الطفل يسوع،
رحلة طويلة وكلها تعب تاخد أيام؛ وبرغم كدة اتحملوها،
وجابوا معاهم هدايا غالية اوووى، قدموها ليسوع.
ولما تسأل نفسك ليه عملوا المشوار دة كله، واتحملوا تعب السكة؟
ببساطة، علشان ظهر ليهم نجم بشرهم بمجئ ملك عظيم
. ملك الملوك اللي هيخلص شعبه من خطاياهم.

الشغف والرغبة اللى كانت فى قلوبهم إنهم يشوفوا يسوع الملك،
ساعدتهم يتغلبوا على تعب السكة وطولها!
ويكملوا فيها بحب وفرح؛ علشان يتقابلوا معاه،
ويقضوا وقت معاه.

ساعدنا يارب، نشوف معنى الرحلة،
ونستمتع بيها معاك رغم ألمها وطولها…
خلينا نشوفك طول الطريق، وغرق قلوبنا بفرحك 🙏🙏