منتدى الفرح المسيحى - قلب الحكيم يعرف الوقت والحكم

https://upload.chjoy.com/uploads/172640031378581.jpg

"حَافِظُ الْوَصِيَّةِ لاَ يَشْعُرُ بِأَمْرٍ شَاقّ،
وَقَلْبُ الْحَكِيمِ يَعْرِفُ الْوَقْتَ وَالْحُكْمَ." (الجامعة ٨: ٥)

في الجزء دة الجامعة بيقول لنا أن احترام الوصايا
هي حاجة مهمة جدًا، وأن اللي بيحفظ الوصية مش بيشعر بأمر صعب 🙏
يعني حتى لو حفظ وتطبيق الوصايا هي حاجة صعبة لكن اللي بيحفظ الوصية بتحميه من نتايج وعواقب كتير ممكن تحصل له.
كمان بيكلمنا عن الحكيم وبيقول لنا أنه هو اللي بيعرف
إمتى يخضع ويتصرف صح، لأن مش كل الناس بتعرف تعمل كدا خصوصًا في وجود التحديات، لكن الحكيم بس
هو اللي بيعرف يتصرف صح في الوقت المناسب👌

تعالوا نطلب من الرب أنه يساعدنا نحفظ الوصايا
ونطبقها في كل جوانب حياتنا ♥️
وأنه يدينا النوع دة من الحكمة اللي تخلينا نتصرف صح
ونكون كمان سبب بركة لنفسنا واللي حوالينا♥️🙏