منتدى الفرح المسيحى - مزاجك بيتغير

https://upload.chjoy.com/uploads/17261654564411.jpg

كتير بشوف فى العالم لما حد بيبقى حزين
أو مكتئب يجري يسمع أغنيه 🎧
ويغني معاها وبعدها يقولك الأغنية دي غيرت مودي
بس للأسف بيبقى تغيير وقتي ويرجع تاني لنفس الحاله.
وإحنا بقى بنعمل إيه لما نحس بالمشاعر دي زي الإكتئاب أو الحزن؟🙄
هل بتمتلكنا وتسيطر علينا وتدمر نفسيتنا ولا بنقدر نعدي الوقت ده؟
من الحاجات اللي فرقت معايا إني عرفت في علاقتي مع الله إنه يديني ((رداء تسبيح)) بدل كل كسرة وحزن.
معناه ايه الكلام ده؟؟؟🤔
إن لما أبقى حزين أو مكتئب أسبح! (أسبح 😲)
أيوة بالظبط أسبح....
وتسبيحي ده بيعلن لإبليس إن الحزن والإكتئاب
اللي أنا فيه ده مش ليا ومش المفروض أعيش مع حزني
وإكتئابي ومن خلال التسبيح بتتغير
وتتبدل كل المشاعر دي وده بيخليني أحس بالفرح والابتهاج.

عيش بالتسبيح✨ وسبح في كل الأوقات وهتختبر نصرة وفرح مختبرتهومش قبل كده. 🤗
وده وعد الكتاب المقدس 📖
[3] لِأَجْعَلَ لِنَائِحِي صِهْيَوْنَ، لِأُعْطِيَهُمْ جَمَالًا عِوَضًا عَنِ ٱلرَّمَادِ،
وَدُهْنَ فَرَحٍ عِوَضًا عَنِ ٱلنَّوْحِ، وَرِدَاءَ تَسْبِيحٍ عِوَضًا
عَنِ ٱلرُّوحِ ٱلْيَائِسَةِ، فَيُدْعَوْنَ أَشْجَارَ ٱلْبِرِّ، غَرْسَ
ٱلرَّبِّ لِلتَّمْجِيدِ. (إشعياء 61:‏3 )