منتدى الفرح المسيحى - كانوا شاطرين ومشوا بالظبط على خطوات المنهج

https://upload.chjoy.com/uploads/172479399672491.jpg

كنا لسا بنقول إن ربنا يسوع ياما اتقال عليه كلام باطل،
وإنه مختل وبه شيطان .. إلخ
. وهو صاحب السلطان إنه بكلمة من فمه تتبدد كل خصومه وأعداءه!
لكنه كان بوداعة عجيبة صامت.
كمان القديسة مارينا اللي اتهموها بالباطل
إنها وقعت في خطية زنى، لأنهم كانوا فاكرينها راجل!
كانت ممكن بكلمة واحدة منها، تخزي أعداءها وخصومها،
فلو كانت عرفتهم حقيقتها إنها عذراء وليست رجل!
كانت هتظهر براءتها. لكنها بوداعة عجيبة كانت صامته شاكرة محتملة التجربة.
القديسين معندهومش قوة خارقة مش موجودة فينا،
القديسين بشر زينا، وكان معاهم نفس المنهج اللي معانا دلوقتي،
ونفس المُعلم، ونفس وسائط النعمة،
لكنهم كانوا شاطرين ومشوا بالظبط على خطوات المنهج،
فنالوا المواعيد. احنا كمان لازم نعمل زيهم.