منتدى الفرح المسيحى - متعييش بواقى حياة

https://upload.chjoy.com/uploads/172441476110151.jpg

أوقات كتير بنسمح لنفسنا نعيش البواقي،
بواقي استمتاع، بواقي راحة,
بواقي انتصارات, بواقي أحلام قديمة

عمرك جه عندك ضيف وقدمتله بواقي أكل إمبارح!
جيت في مرة دخلت مطعم وطلبت أوردر
وجابلك بواقي أوردر حد قبلك كان طالب نفس طلبك!

تقريبًا في السؤال الأول أنت جاوبت باستنكار
لأن ده ضد الذوقيات, في السؤال التاني أنت برقت أوي
واتعصبت لأنه مستحيل يحصل ده وأنت دافع فلوس

طب ليه بنسيب نفسنا بنفسنا تعيش البواقي
في آية في الكتاب المقدس في بُطْرُسَ ٱلثَّانِيَةُ 3:1
كَمَا أَنَّ قُدْرَتَهُ ٱلْإِلَهِيَّةَ قَدْ وَهَبَتْ لَنَا
كُلَّ مَا هُوَ لِلْحَيَاةِ وَٱلتَّقْوَى
الله سبق ودفع تمن حياتك وفرحك ونصرتك،
متقبلش تعيش حياة مش حياتك ولا أحلام مش أحلامك

اعرف اللي ليك في الله وعيشه،
صلي إن حتى الأمور البسيطة
واللحظات العادية في يومك تعرف تستمتع بيها. 🤩