منتدى الفرح المسيحى - زوادة اليوم: قصِّة نجاح 2024/8/18

زوادة اليوم:
قصِّة نجاح

https://upload.chjoy.com/uploads/172387188105771.jpg

بيخبرو عن زلمي ختيار عايش ببيت زغير بالضيعة.

فكّر شو عندو يقدِّم للمجتمع و تذكَّر إنّو كلّ عيلتو
و أصحابو و قرايبينو بيحبّوا كتير الدجاج المقلي
اللي بيحضرو فجرَّب يبيع هالوصفة السريِّة لمطاعم كتير تخايلوا
أكتر من ألف محل رفضوا حتّى يجربوها بس ما إستسلم!

كمّل يسأل حتَّى بيقولوا إنّو المحل رقم ١٠١٠
قِبِل يشتري الوصفة اللي اليوم كلنا منعرفها!

صارت من أشهر الوصفات العالميِّة وصفة دجاج كنتاكي.

قصص النجاح بتبلِّش من الصفر و من البساطة بس عا شرط
إنَّك ما تستسلم و ما تيأس و تتذكّر كتير منيح شو ما واجهت
إنّو الباب اللي إيد الله بتفتحو و لا إيد بالعالم بتقدر تسكرو!

أحد مبارك مع يسوع