منتدى الفرح المسيحى - الله مش ناسي تعبك

https://upload.chjoy.com/uploads/172393308776141.jpg

الله مش ناسي تعبك.
لو اتظلمت في النتيجة , تعال أحكيلك حدوتة
في واحد في الكتاب المقدس اسمه يوسف ،
اتظلم من إخواته واتباع أسير.
اشتغل في بيت واحد اسمه فوطيفار،
وكان أمين أوى والراجل ده مسكه كل حاجه في بيتة،
بس برضو رغم أمانه يوسف اترمى في السجن.
وده لأنه رفض يخون سيده فوطيفار ،
ويعمل الشر قدام الله مع مرات فوطيفار.
القصة مخلصتش وظلم يوسف موقفش وأتنسى في السجن ،
بس في النهاية رغم كل الظلم ده
الله عوض يوسف وبقي الراجل التاني على مصر بعد فرعون.
لو كنت أمين في مذاكرتك واتظلمت,
الله هيعوضك ويكافئك في يوم من الأيام .
#نتيجة_الثانوية_العامة