منتدى الفرح المسيحى - أعظم تعويض عمَله الله معايا

https://upload.chjoy.com/uploads/172383997028321.jpg

مَرّيت بليالي بكاء وألم على علاقات انتهت
وكنت مستني الله يعوّضني بناس تانيه غيرهم، بس ده محصلش!
خسرت وظيفتي وحطّيت عيني على وظيفة تانيه
وقولت الله هيعوّضني فيها، بس ده كمان محصلش!
فِضلت الدايره دي تتكرّر في حاجات كتير خيّبت أملي.
لكن مرّ الوقت، وبصّيت لنفسي وأنا لسّه بضحك وبفرح وحاسس بسلام،
فأدركت إنّ أعظم تعويض عمَله الله معايا في أوقاتي الصعبة
كان تشكيله فيّا وإعداده لشخصيّتي بشكل أنضج،
وأكثر مرونة في التعامل مع تحدّيات الحياة اللي لا يمكن تنتهي
، واللي مش طول الوقت بتمشي حسب توقّعاتنا
لا تفقد رجاءك في خطة الله إتجاهك!
#التعويضات