منتدى الفرح المسيحى - حضنك كان بر مجمعنا

حــضنــك كــان بـر مجـمعنا وبـنرسي عليه
ونفـضــفض نشكي وتسمعنا وتعبك دا ناسيه
قلبك كان حاســس بــوجعـنا ووجعك تداريه
عشـــت مـثال للأب ومعني الحـب و أساميه

عـــشــت يـابـابا شنوده مثالنا وقدوه لأجيال
بتــخــفف أتــعــاب أحــمـالـنـا لو تبقي جبال
لـــو شــئ يـوم غير أحوالنا نلقاك في الحال
بتــصـــلـي تــجدد فـي أمالنا ولا نلقي محال

بـــكــلامــــك دايـــمــا نتــهـني والكل سعيد
ولــ يـــوم الأربـــع نســتني وكأنــه دا عيــد
ميــــن قـــال أنـك بقيت عــنـا يــابـابانا بعيد
ســــامـــع صـــوتنا ودايـما عنا بتصلي أكيد

أب حــنيــن جـــدا بــطــرك نشـهـدله عهود
غـــالــي عـند يسوع خاطرك بيسوع مسنود
تـندهله في ضيقتك وفي خطرك الفرح يعود
تكـــتب بــأيــديك أول سطرك ربنا مــوجود

مــبــروك عودت يابابا لوطنك نلت الاكاليل
حضنت يسوع ويسوع حضنك بفرح وتهليل
شعـــبك حـــزيــن لكن ضـمنك شفيع وجليل
أشـــفـــع فــيــنا قـــدام ربــك وأشـفي العليل

كــلـــمات/ رومـــانــي عـــادل