منتدى الفرح المسيحى - زوادة اليوم: وصفة للسعادة 2024/7/29

زوادة اليوم:
وصفة للسعادة
https://upload.chjoy.com/uploads/172214509747071.jpg
حابب أنا وإنتو اليوم نتأمَّل بسبع أسُس حدَّدهُن البابا فرنسيس من أجل الحصول على السعادة، أوَّل شي قال :

«قد ما انأذَيت من حدا وقد ما غلَّط بحقَّك، أوعى تكرهو بحياتك
، تاني شي أوعى تِعتَل همّ أبداً، وتروك الأمر ليلّي بإيدو الأمر
، تالت شي عيش ببساطة قدّ ما عِلي شأنك،
رابع شي توقَّع الخير لو قدّ ما كِترِت الأحزان وما تنِقّ،
سلِّم أمرك ليسوع، هوّي مصدر ثقة إلَك وللآخرين،
خامس شي عطي كتير حتَّى لو كِنت فقير،
وتمثَّل بقصِّة فلس الأرملة، سادس شي إبتسم لو قلبك من جُوّا موجوع
، وآخر شي والأهمّ صلّي صلّي صلّي.
.. الصلاة بتعمل عجايب».

الزوّادة بتقلّي وبتقلّك :

لو مهما تِقلِت الأحمال وكِبرِت المشاكل، أوَّل شي صلّي وتاني شي صلّي
، وكمان تالت شي صلّي،
وهيك كل الأمور بتِفتَح بِوِجَّك والسعادة بتمتِلك قلبك
، والله معك.