منتدى الفرح المسيحى - انا جتلك علشان مش هتقدر تجيلى

https://upload.chjoy.com/uploads/172133604682591.jpg

انا بشتغل فى شركة اوبر وركب معايا عميل شاف الصليب
متعلق فى المرايه قالى انت مسيحى قولتله اه قالى شوفت البابا شنودة قولتله اه طبعا قالى انا كنت بسمع عنه كتير
واعتقد ان فى علاقه كويسه بينه وبين ربه
قولتله ازاى يعنى قالى انا مسلم وبسافر برا مصر كتير وعندى اصحاب مسيحين كتير جاتلى حصوة فى المرارة
وكنت خايف جدا من العمليه
و قررت اروح للبابا فى الكتدرائية واساله اعملها
ولا لا وبالفعل رجعت من السفر وفى نفس اليوم
بعد تعب الطيارة نمت حلمت بالبابا شنودة جالى قالى
انا جتلك علشان مش هتقدر تجيلى
والحصوة راحت خلاص صحيت من النوم
مفيش اى وجع فتحت التليفزيون
لقيت خبر وفاته روحت للدكتور قالى مفيش حصوة ولا حاجه
عملت اشاعه واتاكدت من عدم وجودها وفعلا الراجل
دا كان فى عمار بينه وبين ربه سكت وعنيا دمعت
وبصيت لصورته وقولتله اذكرنى فى صلاتك