منتدى الفرح المسيحى - زوادة اليوم :الطمع بيقتل صاحبو 2024/6/30

زوادة اليوم :الطمع بيقتل صاحبو

https://upload.chjoy.com/uploads/171937901336671.jpg

بيخبرو عن دجاجة عم تقول يا ريت فيّي اطلع عهالشجرة
. بيقلها واحد من رفقاتها يمكن اذا بتاكلي منيح بيقوُو جوانحك
و بتطيري و بتوصلي لفوق. قالتلو انا بس بدّي اطلع 5 دقايق
شوف المنظر من فوق و انزل رح جرّب نصيحتك
. راحت هالدجاجة و صارت تاكل قمح
و تجرّب تطير اوّل يوم قدرت توصل لغصن زغير من الشجرة.
تاني يوم كمّلت اكل و وصلت لغصن شوي اعلى
و ما كانت تكتفي. طمعها خلاها تاكل كتير كتير
و قدرت توصل لأعلى غصن بالشجرة بس
هالغصن ما كان ثابت و هيّي طمعت بالمنظر ما رجعت نزلت
و كانت صارت تقيلة كتير انكسر فيها و جوانحها
ما ساعدوها وقعت و ماتت!
الزوّادة اليوم بتقلّك انّو الطمع بيقتل صاحبو
...الله معكن