منتدى الفرح المسيحى - البطيخة والعدرا

البطيخة والعدرا ..

https://upload.chjoy.com/uploads/171788271091841.jpg

فيه بطيخة محطوطة عند أيقونة العدرا العزباوية ومكتوب عليها :
( شكراً ليكى يا عدرا عشان المُعجزة اللى عملتيها عشانى
و البطيخة حلاوة المُعجزة ، وانا منقيهالك مخصوص )

إيه كمية البساطة والجمال في المشهد ده !
وايه كمان.. ده مغلفها بسلوفان كأنها هدية.!

بالنسبالك ممكن البطيخة تكون حاجة سهلة ورخيصة وعادية
لكن بالنسبة لصاحب المعجزة سواء ( كان راجل أو ست)
ممكن تكون غالية وعلي قد قدرته

ربنا مش عايزك تقدمله حاجة غالية وباهظة الثمن
هو عايز قلبك اللي لا يُقدر بـ ثمن .!

فعلاً.. الكل هنا مقبول
الكل هنا مسموع
الكل هنا يجد رحمة

ربنّا حلو وجميل ❤️
وقادر يستجيب إنه يحقق كل طلبة وأمنية نفسك
فيها لشفاعة أُمنا العدرا 🙏
- # |