منتدى الفرح المسيحى - بقى عَندي سلام وحب عميق لشخصه بدون خوف

https://upload.chjoy.com/uploads/171726922997361.jpg

ونحن بعد خطاة !
كان عندي خوف شديد من الله،
خصوصًا في الأوقات الليّ بكون فيها بعيدة عَنه
كنت بشعر إنه أكيد هايكون فيه عقاب منه ليا،
والحقيقة الفكرة دي إبليس كان بيستغلها بشكل قوي،
علشان يملأ حياتي بالخوف والقلق، ويخليني شايف الله بصورة غلط
لحد ماأدركت الأية دي:" ولكن الله بين محبته لنا،
لأنه ونحن بعد خطاة مات المسيح لاجلنا" رومية 5: 8
يعني لما ماكنش فيه أي سبب يرحمنا الله علشانه
وكنا غرقانين في الخطية
أرسل ابنه وبين محبته لينا ومات المسيح لأجلنا!
لما أدركت النعمة دي، بقى عَندي سلام وحب عميق
لشخصه بدون خوف.