منتدى الفرح المسيحى - مشيئته بتتقدمك

https://upload.chjoy.com/uploads/17171062711931.jpg

يارب أنا محتار اتجوز فلانة ولا لأ ؟ 🥹
طاب أهاجر ولا أقعد في مصر ؟🤦🏻
طاب أقبل الشغل ده ولا استنى حاجة أفضل ؟! 😑
أوقات كتير بنكون محتارين ومش عارفين نسمع صوت ربنا في أمور مصيرية في حياتنا 🙂
واللي بيحير أكتر أننا بنحس الله صامت مش راضي يجاوبنا 🙆🏻
من وقت كبير سألت حد هو ليه ربنا مش بيرضي يرد عليّ لما بسأله؟ 🥹
فرد عليّ بسؤال هو أنت متعود تسأله أصلًا 🤔
يعني أنت بتطلب مشيئته في كل حاجة في حياتك ولا الحاجات الكبيرة بس ؟! 😏
وهي دي مربط الفرس زي ما بيقولوا..
هل انت في علاقة بينك وبين ربنا ولا أنت بتسأله
في الحاجات اللي محيراك بس علشان تضمن أنك تنجح و ترتاح 🫣
احنا بننمو في مشيئة ربنا مش بنكتشفها ✨
في بيني وبينه علاقة وحب وصداقة 🫂
والعلاقة بتكبر فأنا بسأله وباطلب مشيئته في كل كبيرة وصغيرة في حياتي
فبلاقي إجابته في الأمور المصيرية واضحة ومش محيرة 😌
الشخص اللي انا سألته نصحني نصيحة
وقالي لو أنت حابب تعرف مشيئته وحابب تعيشها
يبقي لازم تكون ليك علاقة معاه تنمو يوم بعد يوم ♥️
علشان لما يجي اليوم اللي تكون فيه قدام قرار مصيري تكون مشيئته بتتقدمك
والقرار واضح ومش مُحير 😊
نمشي معًا، نحكي معًا. كأفضل الرفاق 🫂✨