منتدى الفرح المسيحى - ربوني العالم يحتاج لك بشدة| مريم المجدلية

https://upload.chjoy.com/uploads/171594132693661.jpg

مش عارفة إيه اللي يسوع شافه في قلبها
واحشاءها عشان تكون هي أول واحدة تشوفه بعد القيامة ؟
يا ترى يا مجدلية لما كنتي عند الصليب ولما روحتي ولقيتي القبر فاضي وبكيتي، كان شكل البُكا وإحساس قلبك ورعشة جسدك ، إزاي؟
اللي تخلي يسوع بنفسه يظهرلك يطمنك قبل حتى ما يصعد لأبوه في السماوات!

طب لما قالك " يا مريم " !!
نادى عليكي من حزنك ووجعك وضيقك وندوبك !!
كانت أحلى مرة سمعتي فيها اسمك؟
كانت أسرع استجابة لدموع عيطتيها؟
كنتي حاسة أن روحك ردت فيكي من تاني؟
طب عرفتي يعني إيه كلمة " رجاء" ؟

ولما قولتي " ربوني " !! اللي تفسيرها " يا معلم " !

كنتي عارفة أنها بعد آلاف السنين هتبقى صرخة ناس كتير،
بينادوا عليه؟!
ناس تعبانة وفاقدة الأمل في الحياة،
ناس بتتمنى المو ت كل يوم ع فراشها،
ناس بتبكي ليل مع نهار من خسرتها ع الفقدان
، ناس مستنية قيامته في قلوبهم..

ناس مستنية تسمع اسمها من فمه ويرد فيها الروح زيك "يا مريم " !!
ربوني ..العالم يحتاج لك بشدة ! ❤️