منتدى الفرح المسيحى - افتح الباب للنور

https://upload.chjoy.com/uploads/171586742305231.jpg

لما الشر يزيد و الظلم يزيد و الظلام يبقى هو الحاضر
و المستقبل، يظهر نجم في وسط الظلام للمجوس
عشان ينور و يشاور على النور العظيم يسوع المسيح
يسوع هو نورنا هو اللي في ايده حاضرنا و مستقبلنا،
هو الوحيد اللي قدر ينفذ كل كلمه قالها،
هو الوحيد اللي قادر يتمم كل كلمه قالها على حياتك
. لانه قدير لانه نور لانه بيحبك و لانه عايزك افضل
و عايزك احسن "الَّذِي أَنْقَذَنَا مِنْ سُلْطَانِ الظُّلْمَةِ،
وَنَقَلَنَا إِلَى مَلَكُوتِ ابْنِ مَحَبَّتِهِ،" (كو 1: 13).

يسوع عايز ينور حياتك و يخليها شبه حياته، عايز يباركك جدا لانه النور الحقيقي. هو مش نجم بيشاور على النور لكن هو النور نفسه "كَانَ النُّورُ الْحَقِيقِيُّ الَّذِي يُنِيرُ كُلَّ إِنْسَانٍ آتِيًا إِلَى الْعَالَمِ." (يو 1: 9).

افتح الباب و الشباك، سيب النور يدخل و لما بيتك ينور انت هاتنور
افتح عنيك على كلمته و خليه يملا العقل و القلب و خليه يعمل منك صورته