منتدى الفرح المسيحى - يسوع اتولد عشان انت تعيش حياه تانيه

https://upload.chjoy.com/uploads/171567986414521.jpg

قصه ميلاد يسوع مليانه بالامور المذهله
و ابطال المشهد مابيلحقوش يعبروا عن دهشتهم
و يقوم يجي الملاك ينهال على كل منهم برسائل
لم يكن يتوقعها متلقي الرساله.. حاجات فوق الخيال فعلا
الملاك جبرائيل رد على سؤال القديسة العذراء مريم
و قالها عربون المعجزة اللي هاتحصل معاكي
هو انك اليصابات نسيبتك حصل معاها معجزة
هي ايضا و قالها وَهَا هِيَ نَسِيبَتُكِ أَلِيصَابَاتُ أَيْضاً قَدْ حَبِلَتْ بِابْنٍ فِي سِنِّهَا الْمُتَقَدِّمَةِ
. وَهَذَا هُوَ الشَّهْرُ السَّادِسُ لِتِلْكَ الَّتِي كَانَتْ تُدْعَى عَاقِراً. 37فَلَيْسَ
لَدَى اللهِ وَعْدٌ يَسْتَحِيلُ عَلَيْهِ إِتْمَامُهُ
ربنا بيقولك انت واحد من ابطال القصه
و هو عايز يخلي من حياتك حياه ليها معنى لما تكون بحسب القصد
اللي هو خلقك عشانه.
الله عايزك انت كمان تعيش في ذهول من اعماله العجيبه معاك.
. مش بس لما تشوف اعماله في الطبيعه
و لا حتى فقط المعجزات اللي بتقرا عنها في كلمته
لكن يكون هو بنفسه حي يتمم كل الوعود اللي بيقولهالك في كلمته.
و انت بتقرا الكلمه اقرا بعنايه لانك واقف قدام المهوب
اللي هو قد كل كلمة بيقولها و هايحقق في حياتك
كل مقاصده مهما كانت التحديات.
مافيش حد في العالم قد كل كلمة بيقولها
غير اللي ليه سلطان على كل شيئ.. يسوع هو الكلمة المتجسد
يسوع اتولد عشان انت تعيش نوعية حياه تانيه