منتدى الفرح المسيحى - هو دايماً مستنيك من غير إدانة ولا شروط

https://upload.chjoy.com/uploads/171546082204941.jpg

كام مره حسيت إنك مرفوض💔
والناس مش عايزه تتعامل معاك ؟؟
هل جه عليك يوم واتحبيت حب مشروط وكان لازم تدفع مقابل علشان تتحب ؟؟ 😞
كل دى مشاعر صعبه أوي، جايز كلنا عدينا بجزء منها.
الكتاب المقدس📖 كلمنا عن واحدة كانت بتحس بكل المشاعر دي وأكتر،
الست دي مكنتش قادرة تواجه نظرات الناس اللي كلها إتهام ولوم ورفض وكره. 🫣
نقصد "المرأة السامرية"
وفى يوم قابلت واحد نظرلها نظرة مختلفة خالص كلها محبة وتقدير واحترام وقبول😍
، واتكلم معاها مع إنه حسب التقاليد مكنش المفروض يكلمها أو يقعد معاها 🚫
لكن يسوع راح السامرة مخصوص علشانها ومشى🚶🏻مسافة كبيرة جداً
علشان يتقابل معاها ويشفي كل مشاعر مؤلمه جواها 💓
وبعد المقابلة دي، مرجعتش السامرية زي الأول لكن اتغيرت واتشفت من كل مشاعر مقيداها.
احنا كمان أوقات كتير بتكون جوانا مشاعر مؤلمه زي السامرية،
بس للأسف بنتعامل مع مشاعرنا بطريقة غلط ❌،
يمكن أوقات بنهرب منها وننكرها أو نتعايش معاها وتسيطر علينا.
لكن افتكر إن مقابلة واحدة مع يسوع يقدر فيها يداوي مشاعرك الموجوعة من غير أى شروط😊
هو دايماً مستنيك من غير إدانة ولا شروط 💚