منتدى الفرح المسيحى - خد بالك بإمكانك تخلي ناس كتير يشوفوا ربنا

https://upload.chjoy.com/uploads/171252703271471.jpg

ممكن شخص يشوف ربنا بيطبطب عليه
من خلال عزومة بسيطة لمشروب أو أكلة تاكلها معاها .

ممكن شخص يشوف ربنا بيسعده
من خلال خروجة و فسحة
و تديه من وقتك ساعتين .

ممكن إيد ربنا تبان في حياة شخص
من خلال تسديد إحتياج مُلح في حياته .

ممكن شخص يشوف إفتقاد ربنا لحياته
من خلال مكالمة أو زيارة هو في أشد الإحتياج ليها .

صدقني ربنا مش بس في الوعظات و الصلوات
و الاجتماعات الروحية
.. لكن ربنا بيظهر كمان في تفاصيل عملية بسيطة ..

و ده اللي المسيح شرحه في مثل السامري الصالح
شخص فرح السما لانه إفتقد شخص متألم و طيب جراحه .
. بدون كلام روحي أو صلاة شفاهية

خد بالك
بإمكانك تخلي ناس كتير يشوفوا ربنا
بتفاصيل عملية بسيطة و صغيرة .