منتدى الفرح المسيحى - بحبه قبلني ورجع ليّ مكانتي

https://upload.chjoy.com/uploads/171139996888181.jpg

هو إزاى ممكن حد يسيب أبوه وعزه ويمشي!!
بستغرب اوى قصه الإبن الضال ... هو بجد كان فين دماغه!
وليه بجد يارب ذكرت المثل دا وليه بتهتم باللى بيضل وبيمشي
خصوصًا لو بمزاجه!!

ليه الأب يتحمل الوجع والتجريح من كلام الناس
اللي حواليه عشان خاطر ابنه!!

ومرة واحدة شوفت المشهد بشكل مختلف، شوفت حُب،
حُب أكبر من أى حُب اتحبيته من أى حد في الدنيا
، اكتشفت أن ربنا بيمشي عكس القوانين والمألوف..
القوانين اللي تقولك، لما تحب هتتحب
أو لما تعمل حاجة كويسة هتتردلك..
إنما الله ماعملش كده.. بالعكس ده هو بحبه
خلاني أجي ليه وماهربش منه..
بحبه ساب ال ٩٩ خروف ودور عليّ لأنه شايفني غالي💙
بحبه قبلني ورجع ليّ مكانتي..

"فَالْحَقَّ أَقُولُ لَكُمْ: إِنَّهُ يَفْرَحُ بِهِ أَكْثَرَ مِنَ التِّسْعَةِ
وَالتِّسْعِينَ الَّتِي لَمْ تَضِلَّ. (متى ١٨: ١٣)"
يارب شكرًا عشان حتى وأنا ضال وبعيد
مغرقني بحبك العجيب
، ساعدني أقدر الحب دا 🙏