منتدى الفرح المسيحى - اجري عليه وارمي حمولك

https://upload.chjoy.com/uploads/171118471033511.jpg

في_الجدوب_يُشبع_نفسي🙏

كل واحد فينا بيمر بأوقات صعبة..
يأس واحباط.. وصغر نفس.. وحزن وضيق
..خسارة وفقدان.. منهج طويل ووقت قليل
.. احساس بصعوبة المسئولية ( كله ده جدوب)
ممكن استسلم لكدة .. والاقي طريقي للاكتئاب

واحيانا احاول اطلّع نفسي من الضغطة دي بسيجارة انّفس بيها عن نفسي..بمشاهد مش لطيفة... بعلاقة مش سليمة.. بعادة ردية تتحكم فيا ..وفي الاخر اكتشف اني (بزود الطينة بلة)

طب اعمل اية؟ فين العلاج ..حتي الدوا غلي؟

العلاج في الاية دي
وَيَقُودُكَ الرَّبُّ (هيمشي قدامك ويسندك) عَلَى الدَّوَامِ
( علطول معاك ومش هسيبك)وَيُشْبعُ فِي الْجَدُوبِ نَفْسَكَ
( هيرمم شروخ نفسك وارضك القفرة هتنبت من تاني )
وَيُنَشِّطُ عِظَامَكَ ( هيملاك فرح ويديك قوة ونشاط )
فَتَصِيرُ كَجَنَّةٍ رَيَّا ( دايما رويان )وَكَنَبْعِ مِيَاهٍ لاَ تَنْقَطِعُ مِيَاهُهُ
.( وهيستخدمك تروي غيرك لان عندك فيض تعزيات) ( اش ٥٨ : ١١ )

اجري عليه وارمي حمولك..
سلم حياتك واترمي في احضانه
فَيَمْلأُ إِلهِي كُلَّ احْتِيَاجِكُمْ بِحَسَبِ غِنَاهُ
فِي الْمَجْدِ فِي الْمَسِيحِ يَسُوعَ. (في ٤ : ١٩ )