منتدى الفرح المسيحى - اذكر يا رب اللي ليهم طلبة في قلوبهم رفعنهالك وهما ساكتين

https://upload.chjoy.com/uploads/171052336174121.jpg

زي ما ذكرت وعودك زمان.. اذكر يا رب اللي ليهم طلبة
في قلوبهم رفعنهالك وهما ساكتين 🙏
اللي مستني نتيجة تحليل أو أشعة،
اللي منتظر شغل يعرف يأكل بيته منه..
اللي ماشي يدور على أي حاجة تسد جوعه الداخلي
وجرب مسكنات كتير ومنتظر يشبع بجد، عندك الشبع الحقيقي.
اللي هربان من دوشة الدنيا وزحمتها وجاي يقعد معاك
عشان فعلًا محتاجلك..
اللي علاقاتهم بتبوظ ومستنيين الخطوة مين يبدأ ويتكلم..
واللي خطيته تعبته ومقيداه بس لسه معندوش الجرأة
إنه يجيلك ومستنيك تخبط على بابه.
اللي مستني سنده ومعونة منك بعد التجربة الصعبة..
لكل بيت فقد عزيز وموجوع على فراقه، لكل شخص متألم في جسده من مرض ومستني لمسة شفا منك..
اللي مهموم وشايل مشاكل كتير ووحيد مش لاقي حد يتكلم معاه.
كُلُّ مُنْتَظِرِيكَ لاَ يَخْزَوْا - مزمور ٣:٢٥