منتدى الفرح المسيحى - مافيش غيره تشتكيله حتى لو هتشتكيله منه

https://upload.chjoy.com/uploads/171045360202791.jpg

إصحاحين كاملين كلمات كلها وجع من أيوب
بيتكلم فيهم كلمات بتعبر عن صرخات ناس كتير وسط الألم.😓
وسط الإصحاحين بالظبط يقول أيوب جملتين
مافهمتهمش في الأول: "كُنْ ضَامِنِي عِنْدَ نَفْسِكَ. مَنْ هُوَ ٱلَّذِي يُصَفِّقُ يَدِي"
وقعدت أدور عليهم في ترجمات وأشوف أصل معانيهم!
الجملة تركيبتها دقيقة جدًا وبتحمل معنى كبير أوي🤗

وجات في ترجمات تاني كده:
ضع ضمانتي معك، فَمَنْ غَيرُكُ يَرْضَى أنْ يُصَافِحَ يَدِي؟
إِجعَلْ كَفالَتي لَدَيكَ، إِذْ مَنْ يُمْكِنُ أَنْ يَكُونَ كَفِيلِي؟
كُنْ يا ربُّ كفيلا لي عِندَكَ، فَما مِنْ أحدٍ يكفَلُني غَيرُكَ.

يعني اللي عايز يقوله أيوب بالبلدي كده، ركز معايّ، وشوف الجمال:
"أنا الحقيقة يا رب مش ضامن حتى نفسي، فأضمني أنت عندك. لأنه في حالتي دي مافيش غيرك يضمني ويقدر يستحملني
ويرفعني ويقومني!

صديقي:
وقت تعبك ووقت ضعفك مافيش غيره تروحله
مافيش غيره تشتكيله. حتى لو هتشتكيله منه❤️

العلاقة معاه حلاوتها أنه بيقبلنا زي ماإحنا
، حتى في أسوأ حالتنا! وهو اللي بيضمنها لأننا ولاده!
الأب مايحبش ولاده لو زعلانين منه يتجاهلوه ويسيبوا البيت!
لكن يحبهم يبقوا جنبه حتى لو هيشتكوا! ولاده بقى!