منتدى الفرح المسيحى - أنا فرحان عشان هو معايّ

https://upload.chjoy.com/uploads/160521909018151.jpg

عندك يا حبقوق ثمر في شجر التين 🌳
لا معنديش
طيب عندك عناقيد عنب 🍇 طرحت تعملها عصير
لا معنديش
طيب عندك زيتون 🫒 تعمل منه زيت
لا معنديش
طيب عندك سنابل قمح 🌾 في الحقول تعمل منها دقيق
لا معنديش
عندك غنم 🐑 في الحظيرة هتاكل لحمه
لا معنديش
عندك بقر 🐄 في المزاود طيب هتشرب لبنه
لا معنديش
اومال فرحان ليه؟
أنا بافرح بالرب نفسه مش من اللي بيجي منه
.. أنا ببتهج بيه مش باللي بيعمله معايّ

تعال أفهمك كلمات حبقوق فهتمها إزاي امبارح
وأنا مرتب الشهر خلص ومش عارف أجيب حاجات البيت

عندك بيض 🍳 في التلاجة
= لا معنديش
-عندك بانيه في الفريزر
= لا معنديش
-عندك فراخ 🐓 في العشة
= لا معنديش
عندك ازازنين زيت في الضرفة
لا معنديش
عندك علبين لبن 🥛 في الدرج
لا معنديش
-أومال إزاي فرحان؟
=أنا فرحان عشان هو معايّ😊