منتدى الفرح المسيحى - مش ساعتين وخلاص

https://upload.chjoy.com/uploads/170808137147061.jpg

القصه اكبر من أنهم كام ساعه تقضيهم فى الخدمه والكنيسة

ال كام ساعه دول لازم يكون وراهم ساعات
وايام مشغول البال فيهم واذاي هتقدم الموضوع بتاعك
بشرح مميز وبسيط وشيق

ال كام ساعه دول وراهم رحله بحث طول الاسبوع عن معلومات ودراسه علشان تلم بالموضوع بكل الاسئله المتوقعه والغير متوقعه

الكام ساعه دول وراهم صلوات طول الاسبوع
تطلب من خلالهم معونه سنده وقوه انك توصل رسالتك للمخدوم

الكام ساعه دول هم ملخص تفكير اسبوع كامل

الكام ساعه دول وراهم افتقاد فى البيت والتليفون مستمر طوال الأسبوع

لو انت فاكر انك خادم الساعتين بتوع يوم الجمعه
بس يبقى لابد من مراجعه نفسك

"مَلْعُونٌ مَنْ يَعْمَلُ عَمَلَ الرَّبِّ بِرِخَاءٍ." (إر 48: 10).
❤️❤️❤️