منتدى الفرح المسيحى - متخفش انت حياتك في ايد اله امين وحي

https://upload.chjoy.com/uploads/170694483401921.jpg

افكارك دايسه عليك ومش مدياك فرصه
حتي تاخد نفسك ولو بتديك الفرصه دي مش هتعرف تفكر لأن افكارك بتموتك بالهدوء إذا كانت افكار من خوف من مستقبلك
أو علي عائلتك أو أنك لوحدك في غابه و...و...و...
وكتير اوي من الأفكار دي بتاخدنا في دوامه
وأننا اوحش الناس وأننا ملناش حظ وحياتنا كلها تعب في تعب
وان مفيش ضمان في بكره ولا ليا ولا لأولادي
رسالة ربنا ليك/ي النهارده: 💌
متخفش انت حياتك في ايد اله امين وحي
عمرك هتكون في توهان وغرقان بين افكارك
لأن إلهك عظيم وضامن مستقبلك وحياتك
وفاتح حضنه ليك لما افكارك تتعبك روح واتكلم معاه
صدقني مش هترجع زي ماروحت
انت هترجع احلي واقوي من الاول
وهيكون عندك ايمان وهتطمن غيرك.
*فِي سِتِّ شَدَائِدَ يُنَجِّيكَ، وَفِي سَبْعٍ لاَ يَمَسُّكَ سُوءٌ
(ايوب 5:19)* ❤️❤️❤️