منتدى الفرح المسيحى - قَلِيلِينَ وَغُرَبَاءَ

https://upload.chjoy.com/uploads/170505549467271.jpg

كتير ببص على امكانياتى سواء اللي في شخصيتى
أو في مادياتى .. وأقعد أقول اللي فى إيدي ده هاينفع يعمل إيه؟؟؟
هاينفع يخلينى أتعامل مع الناس دي إزاى؟؟
أو هايخرجني من الأزمة دى بأنهى طريقة؟؟؟🤔🥹
وكأنى وانا بصلى بتكلم مع ربنا وأقوله أتدخل
..إعمل حاجة.. لكن مش باصص عليه هو،
باصص على أنا مين وقليل إزاى واللي أنا فيه صعب إزاى..😏😔🫣
تعال نشوف الكلمات دى 📖
مزمور ١٠٥: ١٢- ١٤
"إِذْ كَانُوا عَدَدًا يُحْصَى، قَلِيلِينَ وَغُرَبَاءَ فِيهَا. ذَهَبُوا مِنْ أُمَّةٍ إِلَى أُمَّةٍ
، مِنْ مَمْلَكَةٍ إِلَى شَعْبٍ آخَرَ. فَلَمْ يَدَعْ إِنْسَانًا يَظْلِمُهُمْ
، بَلْ وَبَّخَ مُلُوكًا مِنْ أَجْلِهِمْ"

واخد بالك 👀 قليلين وغرباء لكن الرب كان سندهم
وليه كلمة تانية على حياتهم..
عايز أطمنك هو لينا بكل سلطانه وجبروته
حتى لو كان اللي فى ايدينا قليل..
صباحك قوة 💪👍🫂