زوّادة اليوم:
كل شي إلو ثمَن !
https://upload.chjoy.com/uploads/170503904195691.jpg
بيقولوا إنّو كل شي منيح و إلو قيمة غالي و إلو ثمَن يِندفَع.

مثلاً إذا بدّك فيلّا بتطلّ عالبَحر بمنطقة حلوة بدَّك تِدفَع كتير!

و إذا بدَّك سيّارة حلوة بدَّك تِدفع كتير...

هلَّق بدَّك تقول إنّو نفس الشّي مع يسوع إذا اختَرت تكون إبن الله بدَّك تِحمُل صليبَك بفرَح و بدَّك تِقبَل تُضطَهَد بإسمو...

بس العلاقة مع الربّ غير كلّ شي!

ما تِنسى هوّي شو عمِل كرمالَك، صار إنسان و انظلَم و انضرَب و انصلَب و مات حتّى إنتَ تاخُد الحياة الأبديِّة !

شو ما عمِلنا يا ربّ ما منشكرَك كفاية و إنت أصلاً مِش طالِب شي إلّا نآمِن، نوثَق و نحِب!