منتدى الفرح المسيحى - افرح لأنه معاك وفي صفك

https://upload.chjoy.com/uploads/170500917302491.jpg

عيشت سنين من عمري فاهم أن ربنا بيبص عليّ من فوق
ولما باغلط بيقول شوف 👀 كنت متأكد أنك مش هتعرف!
أو أنه هينتقم مني أو هيعاقبني
والحقيقة احنا بنخجل نقول الصور دي لحد،
بتفضل جوه قلوبنا ومكتومة وبنترجم بيها المواقف اللي بتحصلنا،
بإن الله غضبان مننا بسبب الخطية أو الغلط اللي عملناه! 🙈
والروح القدس فهمني أن الله مش كده..
ده ضميري الفاسد والطبيعة الفاسدة والمشوهة
اللي عايشة جوايّ، اللي دايمًا صوتها عالي،
وده غير أني كمان مش عارف طبيعة الله
اللي كلها حب ومحبة وأنه دايمًا معايّ وفي صفي 💜

ولما بنسمع غير لما بنختبر ونعيش،
ماحدش بيحبك ومعاك وبيفكر فيك دايمًا بكل الخير
وعاوزك لك الأفضل زي الله.
اقرا الكلمات دي 👇👇

"لأَنِّي عَرَفْتُ الأَفْكَارَ الَّتِي أَنَا مُفْتَكِرٌ بِهَا عَنْكُمْ، يَقُولُ الرَّبُّ
، أَفْكَارَ سَلاَمٍ لاَ شَرّ، لأُعْطِيَكُمْ آخِرَةً وَرَجَاءً." (إر 29: 11).
افرح لأنه معاك وفي صفك 🎁🎄