منتدى الفرح المسيحى - تعالوا منطولش في الرفض

https://upload.chjoy.com/uploads/170500171365871.jpg

ربنا في اوقات معينه في حياتنا بيلح علينا
في امور كتيرة قوي وعايزنا ننفطم عنها
ونكبر وندخل مرحله جديدة …
وفي كل مرة بيكون عايزنا نكبر
بيحاول معانا علشان يفطمنا بيلاقي مننا عياط وزعل
وغضب
.. زي مثلا البيبي الصغير
لما مامته بتحاول تفطمه من الرضاعه…
. كلنا بنكون شايفين المنظر الخارجي والمشهد دة
واحنا متأكدين انه الام اكيد مصلحتها انه الطفل يكبر
ويبطل رضاعه علشان يبدأ ياكل ويكبر ومعدته تشتغل
.. ويجي هنا دور الطفل ( احنا )بنرفض
ونعيط ونغضب وفي الآخر خالص
بنعرف انه كان لمصلحتنا كل اللي بيحصل في حياتنا
هو تخطيط لنمونا …
ومنكرش اني في اوقات طولت في مرحله الرفض والفطام
..لكن طوله بال ربنا معانا مالهاش حدود …
.. تعالوا منطولش في الرفض والفطام المتعب
اللي بيرهقنا وبيستنفذ من وقتنا
وناخد الخطوة بسرعه ونفهمها ونكبر مع ربنا
ونقبل منه التعديلات والتشكيل والخضوع
والثقه فيه وفي تخطيطه لحياتنا