منتدى الفرح المسيحى - ولأنه عارف خيري بيعمل دايمًا الصالح ليا

https://upload.chjoy.com/uploads/170471130883781.jpg

في تكوين 35
يعقوب بيطلب من كل أهل بيته أنهم يتطهروا
ويعزلوا الآلهة الغريبة علشان "وَلْنَقُمْ وَنَصْعَدْ إِلَى بَيْتِ إِيلَ،
فَأَصْنَعَ هُنَاكَ مَذْبَحًا للهِ الَّذِي اسْتَجَابَ لِي فِي يَوْمِ ضِيقَتِي،
وَكَانَ مَعِي فِي الطَّرِيقِ الَّذِي ذَهَبْتُ فِيهِ"
يعقوب قرر يشكر الله لأنه يستحق
ولأنه كان معاه ونفذ وعده وكلامه ليه لما قاله هأكون معاك.

أوقات كتير أنا وأنت بنطلب الرب في أوقات ضيقنا وحزننا،
والرب في أمانته وصلاحه بيكون معانا وبينقذنا،
لكن بننسى نرجع نشكره على إحسانه ومعروفه لينا😞

زي بالظبط العشرة البرص اللي شفاهم الرب
، واحد بس اللي رجع وسجد ليه، والرب سأل
وقاله "أَلَيْسَ الْعَشَرَةُ قَدْ طَهَرُوا؟ فَأَيْنَ التِّسْعَةُ؟
أَلَمْ يُوجَدْ مَنْ يَرْجِعُ لِيُعْطِيَ مَجْدًا ِللهِ" (لو17: 17)

خلونا نتعلم وماننساش نشكر الله،
نشكره على كل وقت كان معانا فيه،
على كل ضيق دخلنا فيه وهو خرجنا منه بسلام،
على استجابة صلاتنا، حتى لو ماحصلش اللي أحنا عايزينه
بس هو أكيد في حكمته
ولأنه عارف خيري بيعمل دايمًا الصالح ليا🙏🏻