منتدى الفرح المسيحى - حاجات انتبه منها لو في خدمتك

حاجات انتبه منها لو في خدمتك
وحاسب تكون بتفرح بيها 👌
https://upload.chjoy.com/uploads/170177150617671.jpg

لو بتختار تخدم الولاد المريحه وإللى طول الوقت بيضحكوا ويهزروا

وتبعد عن إللى هيحتاجوا مجهود وبيمروا بمشاكل أو إللى طول الوقت ساكتين ومش بيتكلموا

أو إللى بيعرفوا يصلوا كويس وحافظين الألحان والمزامير
وسبت إللى مش بيعرفوا لسه يقولوا أبانا الذي

لأنه "فَلَمَّا سَمِعَ يَسُوعُ قَالَ لَهُمْ: «لاَ يَحْتَاجُ الأَصِحَّاءُ إِلَى طَبِيبٍ
بَلِ الْمَرْضَى. لَمْ آتِ لأَدْعُوَ أَبْرَارًا بَلْ خُطَاةً إِلَى التَّوْبَةِ»." (مر 2: 17).

وانتبه كمان لو كل الناس سقفتلك
وأجمعوا انك مافيش منك يبقي خدمتك فيها حاجه غلط

لأن ربنا يسوع بنفسه ماعجبش كل الناس ويقولنا الكتاب المقدس

"وَيْلٌ لَكُمْ إِذَا قَالَ فِيكُمْ جَمِيعُ النَّاسِ حَسَنًا. لأَنَّهُ هكَذَا كَانَ آبَاؤُهُمْ يَفْعَلُونَ بِالأَنْبِيَاءِ الْكَذَبَةِ." (لو 6: 26).

ولو اتأكدت انك مش هتعرف أبدا ترضي كل الناس
مش هتهتم برأي حد فيك ولا بأرضائهم وإنما إللى هيفرق معاك
هو رأي ربنا يسوع وارضائه فقط 😍

كمان لو خدمتك سهله ومافيش مطبات ومشاكل ومش بتقف قدام المذبح تطلب من ربنا أو تعاتب وتصرخ

لأن الخدمه صعبه ويقولنا الكتاب المقدس
"يَا بُنَيَّ، إِنْ أَقْبَلْتَ لِخِدْمَةِ الرَّبِّ الإِلهِ، فَاثْبُتْ عَلَى الْبِرِّ وَالتَّقْوَى،
وَأَعْدِدْ نَفْسَكَ لِلتَّجْرِبَةِ." (سي 2: 1).

لو عرفنا ده في خدمتنا هنكمل فيها وهنتحمل مشاكلها مهما كانت