منتدى الفرح المسيحى - انت محتاج الرب يسوع نفسه

https://upload.chjoy.com/uploads/170101783583471.jpg

في مواقف صعبة ف الحياة مش بينفع فيها
مجرد كلام وعظ (رغم إن ده مهم)
ولا حتى تشجيع المؤمنين (رغم إن ده مطلوب)
لكن ماينفعش فيها غير وجود الرب يسوع شخصيًا 👌
ده اللي حصل مع تلاميذ المسيح وهم في السفينة 🛥
فالأمواج بتعذبهم، والرياح ضدهم،
ووصلوا للهزيع الرابع من المعاناة،وحكمتهم اتبخرت،
فلا عارفين يرجعوا للشط ولا يكملوا،
رغم إن معظمهم صيادين! فلقيوا نفسهم فاشلين
ومُحبطين في الحاجة الوحيدة اللي مميزين فيها. 💔
وهنا كان لازم الرب نفسه يكون معاهم،
فشافوه ماشي على البحر اللي عذبهم ...
والله قالهم: " تَشَجَّعُوا! أَنَا هُوَ. لاَ تَخَافُوا" (متى14: 17).
لو مشكلتك أو أزمتك صعبة..
إنت مش محتاج حاجة من الرب،
لكن انت محتاج الرب يسوع نفسه 😍👌